Mannvit í AMT og MT mælingum á Grikklandi

Þessa dagana er Mannvit að kortleggja jarðhitasvæði undir grísku eyjunum Milos og Kimolos, ásamt undirverktaka sínum, KMS Technologies. Kortlagningin fer fram með AMT og MT viðnámsmælingum. Mælingarnar eru liður í grunnrannsóknum á svæðinu. MT stendur fyrir magnetotellurics og AMT fyrir audio-magnetotellurics. AMT er beitt til að rannsaka viðnám jarðar niður á um það bil 500 m dýpi og MT niður á nokkurra kílómetra dýpi. Alls eru mældir 57 punktar á Milos og 20 punktar á Kimolos.

Upphaflega voru MT mælingar aðallega notaðar í akademískar rannsóknir en á níunda áratugnum (e. 1980s) var MT notað með góðum árangri til að kortleggja jarðhitasvæði neðanjarðar og varð að hefðbundinni rannsóknaraðferð til að kortleggja jarðhitasvæði.

Fólk af fimm mismundandi þjóðernum kemur að mælingunum á Grikklandi. Frá Íslandi, Þýskalandi, Indlandi, Kína og síðast en ekki síst Grikklandi.

Á myndinni má sjá fararskjótana sem notaðir eru til að ferja mælingargræjurnar.