Hvaðan er hugmyndin?

Hugmynd að merki Mannvits er fengin frá mynd í bók  „De divina proportione“ af margflötungi (Rhombicuboctahedron). Í þessu riti sem sem skrifað var af Leonardo Da Vinci og stærðfræðingnum Luca Pacioli, fjölluðu þeir um rúmfræði á vísindalegum nótum.
Hönnuður merkisins er Þórhallur Kristjánsson hjá Effekt.

Um nafnið Mannvit

Hugmyndin að nafninu Mannvit kemur úr norrænni goðafræði.
Í Gylfaginningu Snorra-Eddu segir frá Mímisbrunni, sem er undir einni af rótum asks Yggdrasils.  Þar var helgistaður goðanna.  Í honum var fólgið speki og  mannvit.  Mímir drakk af brunninum og var því fullur af vísindum.  Óðinn lagði auga sitt að veði fyrir að fá að drekka af brunninum.

Hávamál er eitt Eddukvæða og þau eru lögð Óðni í munn.  Efni þeirra er bæði fróðleikur og heilræði.  Þar segir meðal annars að mannvit sé sá vinur sem síst bregst, það er auði betra og byrði betri ber maður ekki.

Mannvit er í goðafræðinni ekki notað í merkingunni greind eða þekking, heldur frekar heilbrigð skynsemi eða dómgreind.

Enska orðið wisdom er heppilegast fyrir Mannvit