Samgöngustefna

• Markmið samgöngustefnu er að sýna samfélagslega ábyrgð og uppfylla ferðaþörf starfsmanna Mannvits á hagkvæman og vistvænan hátt.
• Mannvit leggur sitt af mörkum til að bæta umhverfið og heilsu starfsmanna sinna og annarra.

Samgöngustyrkur til starfsmanna

• Mannvit greiðir strætókort fyrir þá starfsmenn sem að jafnaði nota strætó í ferðir til/frá vinnu.
• Mannvit greiðir andvirði mánaðarkorts í strætó á höfuðborgarsvæðinu til þeirra starfsmanna sem að jafnaði ganga/hjóla til vinnu eða koma með öðrum í bíl.
• Til að auðvelda starfsmönnum að nýta sér vistvæna ferðamáta til/frá vinnu verða merktir fyrirtækisbílar til staðar fyrir vinnutengdar ferðir starfsmanna.
• Ef starfsmenn sem nýta sér vistvænan ferðamáta þurfa óvænt að ferðast í einkaerindum á vinnutíma, t.d. vegna veikinda barna, mun Mannvit endurgreiða viðkomandi leigubílakostnað.

Bílar Mannvits

• Við kaup á bílum verði hugað að orkunotkun (g CO2/km) þeirra, hlutfall bíla í orkunýtingarflokkum A, B og C verði aukið. 
• Fyrirtækisbílar sem notaðir eru í innanbæjarakstri verða á ónegldum hjólbörðum.
• Starfsmenn fá fræðslu um vistakstur.