Verkreynsla Mannvits

Mannvit hefur annast ráðgjöf og alhliða verkfræðiþjónustu vegna verkefna um allan heim á liðnum árum. Þar má nefna hönnun vatnsafls- og jarðvarmavirkjana, orkuvirkja þeim tengdum og burðarvirkja, lagna og loftræsikerfa í opinberar byggingar, íbúðar- og atvinnuhúsnæði. Þá hefur fyrirtækið annast margvísleg verkefni er lúta að rannsóknum á jarðhita og jarðfræði, umhverfismati vegna framkvæmda, gæða- og öryggismálum svo og verkefnastjórnun og eftirliti á sviði byggingastjórnunar.

Alhliða verkfræðiþjónusta fyrir sveitarfélög, t.d. vegna gatnagerðar og veitukerfa hefur ávallt verið stór hluti af starfseminni en einnig hefur verið um að ræða vinnu við brýr, hafnargerð, áætlanagerð og matsgerðir fyrir opinberar stofnanir og einkaaðila.