> Explore in English - Click here!  ENSK ÚTGÁFA – SMELLIÐ HÉR! 

Þínar þarfir í fararbroddi

Loftslagsváin sem er yfirvofandi kallar á raunverulegar aðgerðir á heimsvísu. Ef gera á verulegar breytingar þarf skýra framtíðarsýn, skuldbindingu og þekkingu. Viðskiptavinir okkar búa yfir þessu. Mannvit hefur sameinast alþjóðlega ráðgjafarfyrirtækinu COWI og er það liður í því að styðja við markmið viðskiptavina okkar á vegferð grænna umskipta.

Fyrirtækin standa bæði vel að vígi í orku, innviðum, umhverfismálum, byggingum og iðnaði og deila að auki sömu gildum og sýn þar sem markmiðin eru skýr: Við stuðlum að sjálfbærum heimi þar sem fólk og samfélög fá að vaxa og dafna. Þess vegna höfum við sett okkur það markmið að á næstu árum komi allar okkar tekjur frá verkefnum sem stuðla að sjálfbærri þróun. Frá því að við hófum þessa vegferð höfum við alfarið hafnað verkefnum sem snúa að jarðefnaeldsneyti, bæði leit og framleiðslu.

> Nánar

Úr 280 í 8.000 sérfræðinga um allan heim

Viðskiptavinir okkar og samstarfsaðilar á Íslandi munu nú njóta stuðnings frá 8.000 sérfræðingum á Norðurlöndunum, Bretlandi, í Norður-Ameríku og Asíu. Þannig sameina COWI og Mannvit krafta sína á sviði verkfræði, hönnunar, orku og umhverfis og auk nýtist sérfræðiþekking Mannvits á nýtingu jarðvarma og vatnsafls víða um heim. Þetta gerir okkur kleift að skapa lausnir í sameiningu sem bæta lífsgæði fólks og komandi kynslóða.

Vinnustaður og svo miklu meira

Við trúum því að velsæld stuðli að betri frammistöðu og að betri frammistaða ýti undir vellíðan. Ef þú hefur áhuga á að ganga til liðs við okkur munt þú starfa með fólki sem er ávallt reiðubúið að rétta fram hjálparhönd. Okkar helsta hvatning er að skapa vinnustað framtíðarinnar; umhverfi þar sem fólk fær að vaxa og dafna. Og þótt að verkefnin okkar séu stór og jafnvel alvarleg þá tökum við okkur sjálf mátulega hátíðlega.

Ef þú gengur til liðs við okkur verður þú hluti af alþjóðlegu samfélagi sérfræðinga þar sem gagnkvæm miðlun á þekkingu fer fram. Þú færð einnig tækifæri til þess að vinna þvert á landamæri og breyta áskorunum í sjálfbærar lausnir. Auk þess er starfsþróun mikilvægur þáttur sem við sinnum vel fyrir hvern og einn starfsmann. Allt þetta stuðlar að því að þú fáir að þróast og þroska nýja hæfni og við fáum verðmætan starfskraft með haldbæra þekkingu. Þannig erum við öll í fararbroddi grænna umskipta.