Mat á umhverfisáhrifum

Frá setningu laga um mat á umhverfisáhrifum árið 1993 hefur Mannvit verið í fararbroddi þeirra ráðgjafarfyrirtækja sem unnið hafa að mati á umhverfisáhrifum framkvæmda og umhverfismati áætlana.  Helstu verkefnin sem tengjast mati á umhverfisáhrifum eru á sviði stóriðju, vatnsafls- og jarðhitavirkjana, háspennulína, efnistöku og samgöngumannvirkja.  Ávallt er reynt að finna lausnir sem draga úr eða bæta fyrir hugsanleg umhverfisáhrif framkvæmda, bæði á framkvæmda- og rekstrartíma.

Starfsfólk Mannvits býr yfir víðtækri reynslu við mat á umhverfisáhrifum.  Þessi reynsla endurspeglast í fjölbreytileika þeirra verkefna sem unnin hafa verið hjá Mannviti á þessu sviði.  Má þar nefna:

  • Álframleiðsla
  • Jarðhitavirkjanir
  • Vatnsaflsvirkjanir
  • Háspennulínur
  • Samgöngumannvirki
  • Landfyllingar
  • Hafnargerð
  • Kísilgúrvinnsla
  • Snjóflóðavarnir
  • Sorpförgun
  • Efnistaka á landi og í sjó
  • Kísilmálmframleiðsla

Mannvit hefur unnið mat á umhverfisáhrifum nokkurra stærstu framkvæmda á Íslandi í yfir 20 ár og hefur komið að um þriðjungi allra verkefna á þessu sviði á Íslandi - bæði stórum og smáum.

Axel Valur Birgisson

Fagstjóri umhverfismála