Frystihús Síldarvinnslunnar og Eskju

Á árinu vann Mannvit að stækkun á vinnsluhluta uppsjávarfrystihúss Síldarvinnslunnar í Neskaupstað. Samhliða því fengu fjórir hráefnistankar við frystihúsið, sem höfðu lokið sínu hlutverki sem slíkir, nýtt hlutverk sem lýtur að umhverfis- og öryggismálum. Einn tankurinn var endurnýttur sem brunavatnsforði fyrir sprinkler-kerfi hússins og hinir undir nýjar leiðir í hreinsun fráveituvatns frá vinnslunni. Að því verki kom Mannvit ásamt starfsmönnum Síldarvinnslunar. Um mitt árið hófst vinna Mannvits við grundun fyrir nýtt 7.400 m2 uppsjávarfrystihús Eskju sem stendur til að verði fullbyggt á árinu 2016.

Verksvið

7.400
M2

„Eskja er að taka mjög stórt skref í stækkun fyrirtækisins með því að fara í landfrystingu, með afkastagetu upp 900 tonn á sólarhring með tilheyrandi jákvæðum áhrifum fyrir samfélagið á Eskifirði og nágrenni. Ánægjulegt er fyrir Mannvit að fá að taka þátt í því með Eskju og öðrum hönnuðum og verktökum. Uppsjávarfrystihús Síldarvinnslunnar hefur verið það öflugasta hérlendis og höfum við komið að flestum byggingaráföngum með einhverjum hætti. Fyrir tveimur árum var það stækkun pökkunarhlutans en í ár var það að undirbúa aukna vinnslugetu“

Valgeir Kjartansson

Verkefnisstjóri