Rannsóknarverkefni í Ungverjalandi

NER300 sjóður Evrópusambandsins, sem styður við græna og sjálfbæra þróun orkunýtingar í Evrópu, samþykkti styrkumsókn Mannvits og samstarfsaðila þess til rannsóknarverkefnis í jarðhita í Ungverjalandi. Samstarfsaðilar eru efnahagsráðuneyti Ungverjalands og fyrirtækið EU-FIRE kft. Styrkurinn getur numið allt að 39 milljónum Evra en markmiðið með verkefninu er að örva jarðvarmakerfi til raforkuframleiðslu í suðausturhluta Ungverjalands. Örvuð jarðvarmakerfi nýta hita í bergi djúpt í jörðu, með því að dæla niður vatni og dæla því aftur upp heitu.

Vatnið er nýtt til raforkuframleiðslu og stundum hitaveitu til að ná sem mestri nýtni úr heitum vökvanum, áður en honum er aftur dælt niður í berggrunninn. Þannig er mynduð hringrás, þar sem varmi bergsins er nýttur. Framlag ESB til verkefnisins getur numið um 40% af heildarkostnaði verksins sem er áætlaður tæplega 120 milljónir Evra. Undanfarin ár hefur Mannvit átt í sívaxandi samstarfi við fyrirtæki, sveitarfélög og stjórnvöld í ríkjum Mið- og Austur-Evrópu í gegnum skrifstofu sína í Búdapest um fjölþætta nýtingu jarðvarma til húshitunar, iðnaðar og rafmagnsframleiðslu.

Verksvið

EPCM verktaki þ.e. verkefnastjórn, hönnun, innkaup, byggingastjórnun auk borunar. 

40
ESB styrkur
3500-4000
Borholudýpt
120 M€ 
Áætlaður heildarkostnaður

"EGS verkefnið í suður Ungverjalandi skipar Mannviti í fremstu röð tækni- og þekkingarfyrirtækja sem beita sér fyrir nýsköpun í nýtingu jarðvarma. Þróun EGS tækni mun gera kleift að nýta orku úr iðrum jarðar á stöðum sem til þessa hafa ekki verið talin tæk eða fýsileg."

Óðinn Albertsson

Verkefnisstjóri