Albert Skarphéðinsson Samgöngulíkan Mannvit
Frétt - 21.10.2021

Nýtt samgöngulíkan höfuðborgarsvæðisins

Dagur verkfræðinnar 2021 verður haldinn föstudaginn 22. október á Hilton Reykjavík Nordica. Sérfræðingar frá Mannvit verða með 2 erindi í einni af þrem málstofum.
Í sal B kl.16:25 mun Albert Skarphéðinsson, samgönguverkfræðingur hjá Mannviti fjalla um "Nýtt samgöngulíkan höfuðborgarsvæðisins." Í erindi sínu mun Albert fjalla um þróun nýs samgöngulíkans sem Mannvit vann að í samstarfi við dönsku verkfræðiskrifstofuna Cowi. Líkaninu er ætlað að meta áhrif stórra framkvæmda á höfuðborgarsvæðinu eins og t.d. Borgarlínu og Miklubrautarstokks.

Rétt á undan kl.16:10 heldur Ólöf Kristjánsdóttir, fagstjóri samgangna hjá Mannviti erindið; "Sjálfbærni samgangna og skipulags.– BREEAM og samgöngumat." 

Dagskráin er frá kl. 13-17 og verða fyrirlestrar og kynningar í þremur opnum fundasölum. Markmiðið með Degi verkfræðinnar er að kynna verkfræðina, spennandi verkefni og störf á því sviði og ekki síst efla tengsl og samheldni meðal íslenskra verkfræðinga og tæknifræðinga.

Allir velkomnir og aðgangur er ókeypis. Skráning hér.