Frístundamiðstöð Akranesi.jpg
Frétt - 13.05.2019

Frístundamiðstöð við Garðavöll opnuð

Ný frístundamiðstöð var tekin formlega opnuð á Akranesi við hátíðlega athöfn þann 11. maí. Það voru bæjarfulltrúar, bæjarstjóri, stjórn Golfklúbbsins Leynis og fulltrúar frá Íþróttabandalagi Akraness sem klipptu á borða við opnunina. Efnt var til fjölskylduhátíðar við þetta tilefni og var skipulögð dagskrá milli kl. 12 og 15. Aðalhönnuður hússins var Halldór Stefánsson og Runólfur Sigurðsson Alhönnun sá um byggingateikningar. Verkfræðiteikningar vann Mannvit og kynningarteikningar vann Rut Sigurmonsdóttir. 

Í frétt á vef Akranesbæjar segir að um er að ræða "alhliða miðstöð fyrir frístundir ungs fólks, eldri borgara og í raun alla Skagamenn.  Það verður spennandi að koma nýtingu í húsið allan ársins hring og er þetta í takt við þá stefnu að við erum að verða heilsueflandi samfélag hér á Akranesi. Í nýrri frístundamiðstöð er boðið upp á glæsilega inni æfingastöðu með púttvelli og golfhermum auk þess sem miðstöðin býður upp á frábæra aðstöðu fyrir golfara og aðra gesti. Ný frístundamiðstöð er sannkallað fjölnotahús sem nýtist til margra hluta. Húsið er félagsaðstaða Leynis með afgreiðslu vallar, golfverslun, skrifstofum og fundaraðstöðu auk inni æfingaaðstöðu. Veislusalur hússins býður upp á móttöku gesta og kylfinga og rúmar 200 manns í sæti. Salurinn býður upp á að vera skipt upp í tvo til þrjá minni sali og því er hægt að vera með mismunandi hópa og gesti samtímis. Galito Bistro Café rekur veitingahluta hússins og þjónustar mat og drykk fyrir gesti hússins.

Undirbúningur og framkvæmd

Bæjarstjórn Akraness samþykkti í maí 2017 að ganga til framkvæmda við byggingu frístundamiðstöðvar þar sem fjárhagsstaða kaupstaðarins var og er sterk ásamt ríkti mikil samstaða innan bæjarstjórnar að fara í þessa framkvæmd. Akraneskaupstaður hefur fullt eignarhald á húsnæðinu sem er í anda áætlun bæjarstjórnar að eiga að fullu öll íþróttamannvirki á Akranesi. Útboð á framkvæmd var um mitt ár 2017 og hófust verklegar framkvæmdir í janúar 2018. Fyrsti áfangi hússins var tekinn í notkun í desember 2018 og annar áfangi í apríl síðastliðinn. Heildarframkvæmdartími var því um 14 mánuðir og kostnaður um 380 m.kr. sem stóðst áætlun. Frístundamiðstöðin er 1000 m2 að stærð, 700 m21. hæð og 300 m2 kjallari. Aðalhönnuður hússins var Halldór Stefánsson og Runólfur Sigurðsson Alhönnun sá um byggingateikningar. Verkfræðiteikningar vann Mannvit og kynningarteikningar vann Rut Sigurmonsdóttir. Verkefnastjóri framkvæmdarinnar var á höndum Guðmundar Sigvaldasonar framkvæmdarstjóra golfklúbbsins og einnig voru starfandi byggingarnefnd sem skipaði Sigurð Pál Harðarson sviðsstjóra skipulags- og umhverfissviðs og Guðmund Sigvaldason og framkvæmdanefnd sem skipaði Alfreð Þór Alfreðsson, Lárus Ársælsson og Guðmund. Yfir 20 verktakar komu að framkvæmdinni og var meirihluti þeirra héðan af Akranesi." 

 

Mynd: Myndasmiðjan