Framúrskarandi fyrirtæki Mannvit 2019
Frétt - 23.10.2019

Framúrskarandi fyrirtæki 2019

Mannvit er framúrskarandi fyrirtæki 2019 og þakkar viðskiptavinum sínum sem og starfsfólki fyrir árangurinn á s.l. árum. Það er ánægjulegt að vera í hópi þeirra íslensku fyrirtækja sem uppfylla skilyrðin fyrir nafnbótinni um Framúrskarandi fyrirtæki og um leið að efla íslenskt efnahagslíf. Af rúmlega 33 þúsund fyrirtækjum á Íslandi uppfylla 2% skilyrði Creditinfo um styrk og stöðugleika.

 

Til þess að eiga kost á viðurkenningunni þurfa fyrirtækin að uppfylla strangt gæðamat byggt á faglegum kröfum og greiningu Creditinfo. Skilyrðin sem þarf að uppfylla eru eftirfarandi:

- Hefur skilað ársreikningi til RSK fyrir rekstrárin 2016-2018
- Nýjasta ársreikningi skilað á réttum tíma samkvæmt lögum
- Er í lánshæfisflokki 1, 2 eða 3
- Rekstrarhagnaður (EBIT) hefur verið jákvæður rekstrarárin 2016-2018
- Ársniðurstaða var jákvæð rekstrarárin 2016–2018
- Eiginfjárhlutfall var a.m.k. 20% rekstrarárin 2016–2018
- Framkvæmdastjóri er skráður í fyrirtækjaskrá RSK
- Fyrirtækið er virkt skv. skilgreiningu Creditinfo
- Rekstrartekjur voru a.m.k. 50 m.kr. rekstrarárin 2018 og 2017
- Eignir voru a.m.k. 100 m.kr. rekstrarárin 2018, 2017 og 90 m.kr. 2016