Fyrirmyndarfyrirtaeki 2020 Mannvit
Frétt - 21.08.2020

Fyrirmyndarfyrirtæki í góðum stjórnarháttum

Mannvit hefur hlotið viðurkenningu sem Fyrirmyndarfyrirtæki í góðum stjórnarháttum að nýju fyrir árið 2019. Viðurkenninguna veita Stjórnvísi, Viðskiptaráð Íslands, Samtök atvinnulífsins og Nasdaq Iceland stjórnum fyrirtækja fyrir góða stjórnarhætti. Sigurður Sigurjónsson stjórnarformaður Mannvits veitti viðurkenningunni móttöku á hádegisfundi við Nauthól þann 21.ágúst, ásamt stjórnarformönnum fyrirtækjanna sem hlutu nafnbótina að þessu sinni. Mannvit hefur gefið út ársskýrslu á vef fyrirtækisins frá árinu 2007 og síðastliðin tvö ár tók við útgáfa á sjálfbærniskýrslu.

Viðurkenningin byggir á úttekt á góðum stjórnarháttum og tekur mið af leiðbeiningum gefnum út af Viðskiptaráði Íslands, Samtökum atvinnulífsins og Nasdaq Iceland. Tilgangur viðurkenningarinnar er að ýta undir umræður og aðgerðir til betri stjórnarhátta ásamt því að hvetja fyrirtæki til þess að efla góða stjórnarhætti og skapa þannig aukið traust. Markmiðið er að matsferlið auki trúverðugleika og gagnsæi stjórnarhátta fyrirtækja gagnvart hluthöfum og öðrum hagsmunaaðilum. Í verkefninu felst að öllum fyrirtækjum gefst tækifæri til að undirgangast formlegt mat á starfsháttum stjórnar og stjórnenda sinna

Alls hlutu sautján fyrirtæki nafnbótina að þessu sinni. Þau eru Arion banki hf., Eik fasteignafélag hf., Íslandsbanki hf., Íslandssjóðir hf., Kvika hf., Landsbankinn hf., Lánasjóður sveitarfélaga ohf., Reginn hf., Reiknistofa bankanna hf., Reitir hf., Stefnir hf., Sýn hf., TM hf., Vátryggingafélag Íslands hf., Vörður hf. og Ölgerðin Egill Skallagríms hf. ásamt Mannvit hf.