Frétt - 02.01.2018

Mannvit á Verk og vit 2018

Verk og vit verður haldin í Laugardalshöll dagana 8. – 11. mars 2018. Sýningin er tileinkuð byggingariðnaði, skipulagsmálum og mannvirkjagerð. Mannvit verður með bás sem staðsettur er á svæði C34. Fyrstu tvo dagana, 8. og 9. mars, verður sýningin opin fyrir fagaðila en helgina 10.–11. mars verður almenningur einnig boðinn velkominn.

Markmið sýningarinnar er að kynna vörur, þjónustu og tækninýjungar á þessu sviði en ekki síður að koma á viðskiptum fagaðila og auka vitund almennings um byggingarmál, skipulagsmál og mannvirkjagerð.

Sýningin er haldin í fjórða sinn en um 23.000 gestir sóttu sýninguna í Laugardalshöll þegar hún var haldin árið 2016 þar sem tæplega 100 fyrirtæki, stofnanir og sveitarfélög kynntu vörur sínar og þjónustu. Allar upplýsingar má finna inná www.verkogvit.is