Tæknilausnir fyrir krefjandi verkefni

Alhliða þjónusta á sviði vélaverkfræði er eitt af aðalsmerkjum Mannvits. Sérfræðingar okkar hafa leyst fjölbreytt og flókin verkefni í vélahönnun meðal annars fyrir olíuiðnaðinn, efnaverksmiðjur, fiskimjölsverksmiðjur, veitur, sorp- og metangasvinnslu.

Mannvit hefur komið að öllum helstu verkþáttum við undirbúning, byggingu og ráðgjöf við rekstur tengdum orkufrekum iðnaði á Íslandi. Fyrirtækið býr að sérhæfðri tækniþekkingu til að þjónusta áliðnaðinn, innanlands sem utan. Stór verkefni á sviði álvinnslu eru unnin í samstarfi við HRV verkfræðistofu, sem er að meirihluta í eigu Mannvits.