Bergtækni
Mannvit annast víðtæka bergtækniráðgjöf vegna mannvirkjagerðar. Þar má nefna jarð- og berggrunnsathuganir, jarðfræðikortlagningu, grunnvatnsmælingar, borrannsóknir, berggæðamat, bergfærslumælingar, mat á styrkingum, ástandskannanir jarðganga, bergþéttingar auk eftirlits og hönnunar á mismunandi mannvirkjum í bergi.
Jarð- og berggrunnsathuganir eru nauðsynlegur þáttur fyrir mannvirkjagerð. Kortleggja þarf gerð og þykkt jarðlaga og berggrunns, kanna sprungur og misgengi, mæla stöðu grunnvatns, mæla lekt bergs, gera nauðsynlegar prófanir á bergi og meta styrkingaþörf bergs.
Rannsóknir og prófanir eru gerðar á bergi til að meta styrk, þéttleika, stífleika og stæðni bergs fyrir grundun mannvirkja, bergfestur, bergskeringar, bergþéttingar o.fl. Rannsóknarstofa Mannvits gegnir einnig stóru hlutverki við prófanir á tæknilegum eiginleikum bergs, eins og til dæmis brotþoli, togþoli, fjaðurstuðli, rúmþyngd, holrýmd o.fl.
Mannvit veitir sérfræðiráðgjöf vegna grjótnáms til vinnslu og brim- og rofvarna. Í þessu felast þættir eins og kortlagning, berggæðamat, ráðgjöf um sprengiaðferðir, stærðardreifingarmat og grjótvinnsluspár.
Mannvit hefur víðtæka reynslu á sviði jarðgangagerðar og vatnsaflsvirkjana. Sérfræðingar okkar hafa margra ára reynslu við hönnun, bergtækniráðgjöf og eftirlit með gerð jarðganga og annarra neðanjarðarmannvirkja hér á landi og erlendis.
Dæmi um veggöng sem Mannvit hefur komið að síðastliðin 20 ár:
- Fáskrúðsfjarðargöng
- Héðinsfjarðarheiðargöng
- Göng undir Almannaskarð
- Bolungarvíkurgöng
- Norðfjarðargöng
- Vaðlaheiðargöng
- Húsavíkurhöfðagöng
- Dýrafjarðargöng
- Ellingsøy-, Valderøy- og Godøytunnel, neðansjávargöng í Noregi
- Austureyjar- og Sandeyjargöng í Færeyjum
Dæmi um neðanjarðarmannvirki í tengslum við vatnsaflsvirkjanir sem Mannvit hefur komið að:
- Ráðgjöf og verkhönnun á aðrennslisgöngum Búðarhálsvirkjunar.
- Rannsóknir, bergtæknihönnun á aðgöngum og frárennslisgöngum Hvammsvirkjunar í Neðri Þjórsá.
- Rannsóknir, bergtæknihönnun á frárennslisgöngum Urriðafossvirkjunar í Neðri Þjórsá.
- Eftirlit með byggingu Búrfellsvirkjunar II, þ.m.t. bergtækniráðgjöf og styrkingamat á skurðum, skeringum, jarðgöngum og neðanjarðarhvelfingum.
- Eftirlit með byggingu Kárahnjúkavirkjunar í Fljótsdal, yfirumsjón með bergtækni og styrkingarmati. Reglubundnar ástandsskoðanir allra neðanjarðarmannvirkja Kárahnjúkavirkjunar eftir framkvæmdatíma.
Jarðgrunns- og berggrunnsathuganir eru grunnþáttur í mannvirkjagerð og forsenda þess að vel takist til við mat á grundunarskilyrðum, mat á þörf bergþéttinga, stæðnimat skeringa, mat á styrkingaþörf og efnisnýtingu bergs.
Mannvit getur gert ýmsar prófanir til að meta styrk og gæði bergs og túlkað niðurstöður rannsókna til að ákvarða hönnunarforsendur og grundunarskilyrði og fyrir mat á stæðni bergs og styrkingarþörf skeringa ýmissa mannvirkja. Eftirfarandi eru nokkur dæmi:
- Harpa – Tónlistar- og ráðstefnuhús, bílakjallari.
- Gagnaver Verne í Reykjanesbæ.
- Virkjanir í Neðri Þjórsá, yfirborðsmannvirki.
- Byggingareitur á Barónsstíg fyrir fjölbýlis-og verslunarhúsnæði í miðbæ Reykjavíkur.
- Búðarhálsvirkjun, yfirborðsmannvirki.
- Brúarvirkjun í Tungufljóti
- Vatnsfellsvirkjun.
- Fjarðaál í Reyðarfirði.
