Borholumælingar

Mannvit annast hita- og þrýstimælingar með dýpi (T&P) í borholum fyrir ýmsa aðila. Einnig höfum við undirbúið og haft umsjón með uppsetningu á varanlegum hita- og þrýstinemum (djúpnemum) í borholur undir þrýstingi, á háhitasvæðum. Mannvit hefur einnig sett upp sjálfvirkt eftirlit með rúmmáli borleðju við borun, annast mælingar á rennsli vatns úr borholum við dæluprófanir á lághitasvæðum og fylgst með áhrifum dælingar á grunnvatnsborð. Þá bjóðum við einnig langtíma eftirlit með forðabreytingum í lághitakerfum, sem nýtt eru til heitavatnsvinnslu.

Mannvit hefur hannað og fjárfest í spili til borholumælinga auk sérhæfðs sírita með hita- og þrýstinema, sem þolir allt að 350°C hita. Á spilið má setja allt að 5 km langan vír til mælinga í borholum. Spilið er einnig notað við niðursetningu á djúpnemum.

Meðal verkefna:

• T&P mælingar í borholum HS Orku, Landsvirkjunar og hitaveitu Flúða.
• Síritun hita og þrýstings í jarðhitageymi með djúp- og holutoppsnemum, fyrir HS Orku.
• Umsjón með dæluprófunum og mælingum á lághitasvæðum í Klamath Falls, Oregon.
• Eftirlit með borleðju við borun í Szentlőrinc í Ungverjalandi.

Borholumælingar eru hluti af þjónustu við vatnamælingar.