Hljóðvist

Mannvit veitir ráðgjöf á sviði hljóðvistar, hvort sem um er að ræða hljóðvistarhönnun bygginga, hávaðakortlagningu, almenna ráðgjöf, mælingar eða endurbætur. Notast er við fullkomin hljóðmælitæki og hugbúnað til að skoða mismunandi hljóðvistarlausnir. Hljóðvist er afar mikilvæg við skipulag og hönnun bygginga, iðnaðar, samgangna og umhverfis, ekki síst hvað varðar mat á hávaða og hönnun lausna þar að lútandi.

Hljóðvist (e. Acoustics) er samheiti yfir þverfagleg fræði innan eðlis- og verkfræði sem fjalla um hljóð. Meðal verkefna er hljóðvistarhönnun skrifstofa, skóla, tónlistar- og fyrirlestrarsala og fleiri rýma með tilliti til hljómburðar, hljóðeinangrunar og almennrar hljóðvistar þannig að notendum húsnæðis líði vel við leik og störf.