Jarðfræði

Mannvit annast víðtæka ráðgjöf í jarðfræðirannsóknum fyrir mannvirkjagerð.  Þar má nefna m.a. skipulag, umsjón og eftirlit með rannsóknum á þykkt og gerð lausra jarðlaga, berggrunnsathugunum, jarðfræðikortlagningu, sprungukortlagningu, grunnvatnsmælingum, jarðefnaathugunum, borrannsóknum, grefti könnunargryfja og berggæðamat.

Jarðfræðirannsóknir eru nauðsynlegur þáttur fyrir mannvirkjagerð, efnistökustaði og skipulagningu byggðar:

• Kortleggja þarf gerð og þykkt lausra jarðlaga.
• Kanna gerð berggrunns.
• Kanna sprungur og misgengi.
• Mæla stöðu grunnvatns.
• Gera nauðsynlegar prófanir á lausum jarðefnum og bergi. 

Fyrir neysluvatnsöflun, hvort heldur úr brunnum eða borholum:

• Kortlögð gerð, lega og vatnsleiðni jarðmyndana í borholum meðan á borun stendur.
• Lagt mat á lekt og vatnsgæfni jarðlaga með lektar- og dæluprófunum.
• Mælingar á grunnvatnshæð.

Mannvit hefur m.a. gert fjölmargar jarðgrunnsathuganir og sprunguleitarathuganir, á höfuðborgarsvæðinu og annars staðar, fyrir skipulagningu byggðar og kannað þykkt og gerð jarðvegs á byggingarreitum og vegstæðum víðs vegar um landið.