Jarðhitarannsóknir

Mannvit kappkostar að vera leiðandi fyrirtæki í grunnrannsóknum á jarðhitakerfum og nýtingu þeirra.

Sérfræðingar okkar búa yfir áratuga reynslu á sviði jarðhitarannsókna, hvort sem um er ræða jarðhitaleit, alhliða rannsóknir á jarðhitasvæðum eða eftirlit með rekstri þeirra. Mannvit hefur unnið að mörgum verkefnum innanlands, auk svæða í Evrópu, Asíu, Austur Afríku og Norður-, Suður- og Mið-Ameríku.

Mannvit veitir alhliða ráðgjöf og þjónustu við undirbúning, framkvæmd og eftirlit við boranir. Fyrirtækið sinnir tæknilegum og hagrænum athugunum á nýjum nýtingarkostum jarðhita. Í jarðhitateymi fyrirtækisins eru leiðandi ráðgjafarfyrirtæki í jarðhitavinnslu, grunnrannsóknum og hagnýtum rannsóknum. 

Jarðhitateymið býr yfir heildarþekkingu á nýtingu jarðhitasvæða og mikilli kunnáttu í jarðfræðilegu, jarðefnafræðilegu og jarðeðlisfræðilegu mati á jarðhitasvæðum, borstaðsetningu, forðalíkangerð, auðlindamati og öðrum tengdum verkefnum. 

Mannvit hefur sérfræðiþekkingu á öllum helstu fagsviðum jarðhitarannsókna:

• Jarðfræði
• Jarðeðlisfræði
• Landupplýsingar
• Jarðefnafræði
• Umhverfisfræði
• Borholujarðfræði
• Borholuverkfræði
• Forðafræði