Staðarval

Framkvæmdir hefjast oft á staðarvali.  Slík vinna felur í sér skoðun nokkurra staðsetningarkosta sem fyrirtæki eða stjórnvöld vilja kanna hvort henti fyrir viðkomandi starfsemi.  Staðarvalsathuganir geta ýmist verið bundnar við takmörkuð svæði, landshluta eða jafnvel allt landið í sumum tilfellum.

Mannvit hefur töluverða reynslu af staðarvalsathugunum og má þar sem dæmi nefna athuganir sem tengjast iðnaðarframkvæmdum eins og staðsetningu stóriðju og gagnavera.

Við staðarvalsathugun þarf að bera saman margs konar þætti sem ýmist tengjast sjálfri staðsetningunni eða áhrifum framkvæmdarinnar á umhverfið.  Má t.d. nefna:

• Vinnumarkaðssvæði
• Hafnaraðstæður
• Raflínutengingar
• Vatnsöflunarmöguleikar
• Náttúruvá
• Ýmsir umhverfisþættir