Sýnileikagreining

Mat á sjónrænum áhrifum framkvæmda er einn þáttur í mati á umhverfisáhrifum. Helstu spurningar sem leita þarf svara við tengdar sjónrænum áhrifum framkvæmda eru:

• Hvaðan munu mannvirkin sjást?
• Hversu mörg mannvirki verða sýnileg (t.d. háspennulínur)?

Landupplýsingakerfi nýtist vel við mat á sýnileika fyrirhugaðra mannvirkja og áhrifum þeirra á landslagið. Sérfræðingar Mannvits nota ArcGIS hugbúnaðinn til að greina sýnileika. Það felst meðal annars í því að kortleggja sjónlinur frá ákveðnum föstum punktum og meta þannig á einfaldan hátt sýnileika mannvirkja í landslaginu. 

Mannvit hefur yfir að ráða þekkingu og nýjustu tækni til myndrænnar framsetningar á breytingum sem verða og áhrifum mannvirkja á landslag. Þannig má blanda saman tölvuteiknaðari grafík og raunverulegu myndefni, hvort sem er um ljósmyndir eða videoupptökur að ræða, í þeim tilgangi að gefa raunsæja mynd fyrir og eftir framkvæmdir. Með þessu opnast möguleikar á rafrænni framsetningu á vef sem auðveldar hagsmunaaðilum, fagstofnunum og almenningi að kynna sér verkefni í undirbúningi.