Öll verkfræðiráðgjöf á einum stað

Mannvit er þekkingarfyrirtæki sem veitir ráðgjöf á sviði verkfræði, tækniþjónustu og nýsköpunar. Hjá okkur starfar öflugur hópur reynslumikilla verkfræðinga og tæknimenntaðs starfsfólks með fjölþætta reynslu. Mannvit veitir trausta og faglega ráðgjöf sem byggir á hálfrar aldar þekkingu og reynslu.

Við erum sérhæfð í þjónustu á sviði verkfræði, jarðvísinda, umhverfismála, upplýsingatækni og byggingarefnarannsókna. Við tökum að okkur verkefnastjórnun og heildarumsjón verkefna. 

Skapa og stuðla að sjálfbæru samfélagi

Ábyrgð í verki

Við leggjum áherslu á að sýna gott fordæmi í rekstri og viljum vera leiðandi fyrirtæki á sviði sjálfbærni og samfélagsábyrgðar.

Mannvit veitir viðskiptavinum hagkvæma, áreiðanlega og umfram allt góða þjónustu sem byggir á trausti, þekkingu, víðsýni og gleði. Með verkum okkar viljum við skapa og stuðla að aukinni sjálfbærni í samfélaginu.

Kolefnishlutleysi

Tré eru gróðursett til að kolefnisjafna alla bíla fyrirtækisins.

UN Global Compact

Heimsmarkmið Sameinuðu Þjóðanna um sjálfbæra þróun leika stórt hlutverk í stefnu okkar þar sem við vinnum að því að framfylgja 12 af 17 markmiðum SÞ.

Starfsemi Mannvits er vottuð samkvæmt alþjóðlega gæðastjórnunarstaðlinum ISO 9001, umhverfisstjórnunarstaðlinum ISO 14001 og öryggisstjórnunarstaðlinum OHSAS 18001.

16 skrifstofur í 6 löndum

Mannvit var stofnað árið 1963 og er að fullu í eigu starfsmanna. Aðalskrifstofa Mannvits er að Urðarhvarfi 6 í Kópavogi. Að auki rekum við átta starfsstöðvar utan höfuðborgarsvæðisins. Erlendar skrifstofur eru í Noregi, Þýskalandi, Grænlandi, Síle og Ungverjalandi.

Mannvit rekur vel útbúna rannsóknar- og prófunarstofu að Víkurhvarfi 8 í Kópavogi. Þar eru gerðar athuganir á jarðefnum, stáli, gasi, bergi og steinsteypu.

 

Alþjóðlegt teymi

 

Mannvit er alþjóðlegt ráðgjafarfyrirtæki sem starfar í Evrópu, Norður- og Suður Ameríku, Asíu og Austur Afríku. Hjá okkur starfar alþjóðlegt teymi sérfræðinga sem kappkostar að tryggja arðsemi verkefna viðskiptavina með áherslu á öryggi, umhverfi og fagmennsku.

Dótturfélög Mannvits á sviði verkfræðiþjónustu eru HRV verkfræðistofa og Vatnaskil á Íslandi, GTN GmbH í Þýskalandi og GTN LA í Síle.