Búrfellsstöð, endurnýjun búnaðar
Búrfellsstöð er staðsett efst í Þjórsárdal á Suðurlandi og var byggð á árunum 1969-1972. Hverflar Búrfellsstöðvar voru uppfærðir á árunum 1997-1998, sem jók uppsett afl úr 210 MW í 270 MW.
Inntaksristar og hluti lokubúnaðar í inntaki var endursmíðað og lagfært á árunum 1996-2003:
- Inntaksristar voru endurnýjaðar ásamt körmum og leiðurum og bætt við vökvalyftibúnaði á efstu rist í hverju bili.
- Árlokurnar fjórar við Ísakot voru teknar til viðgerðar og þær sandblásnar og málaðar. Legur, þéttingar, hitakerfi og vökvatjakkar voru endurnýjaðar.
- Íslokurnar við Ísakot voru teknar til viðgerðar og þær sandblásnar og málaðar. Legur, þéttingar, hitakerfi og vökvatjakkar voru endurnýjaðar.
- Sandrásarlokum þremur var lokað varanlega með heithúðuðum stálhlerum, sem boltaðir voru á karma sem steyptir voru inn við útstreymisopið.
- Hitakerfi fyrir árlokur og íslokur við Ísakot voru endurnýjaðar með hitatúbum og frostlagarkerfi, í stað rafmagnselementa sem fyrir voru.
Tæknilegar upplýsingar Búrfellsstöðvar:
- Uppsett afl: 270 MW
- Vélar: 6 Francis hverflar með lóðréttum ás
- Heildarfallhæð: 115 m
- Virkjað rennsli: 260 m³/s
- Stíflugarður: Lengd 370 m
- Aðrennslisgöng: ø10 m, lengd 1564 m
- Fallpípur: 2 fallpípur, ø5,5-6,0 m, lengd 100 m
- Frárennslisskurður: 250 m
- Stöðvarhús: L / W / H: 85/19/31 m
Verksvið
- Mat á ástandi og mat á viðhaldsþörf
- Hönnun og vinnuteikningar
- Útboðsgögn og mat tilboða
- Aðstoð við innkaup
- Verkumsjón og eftirlit
- Umsjón með prófunum
- Reyndarteikningar og samantekt hönnunargagna
- Eftirlits- og prófunarskýrslur
270 MW
Uppsett afl260 m³/s
Virkjað rennsli2.300 GWst
Árleg orkuvinnslugetaBúrfellsstöð var stærsta aflstöð landsins þar til Fljótsdalsstöð var vígð árið 2007. Búrfellsstöð er í eigu Landsvirkjunar sem vinnur rafmagn úr endurnýjanlegum orkugjöfum, vatnsafli, jarðvarma og vindi. Landsvirkjun framleiðir liðlega 73% allrar raforku í landinu (2014) og er því langstærsti vinnsluaðili raforku á Íslandi.