Breikkun Hringvegarins frá Hveragerði að Biskupstungnabraut

Mannvit sinnti forhönnun og verkhönnun fyrir breikkun Hringvegarins (1), frá Kambarótum að vegamótum Hringvegar og Biskupstungnabrautar, sem er um 12 km kafli. Á vegkaflanum voru hannaðar átta steyptar brýr og undirgöng og fimm bárustálsundirgöng, þar af ein ætluð til aksturs. Á Hringvegi verða tvenn tvöföld hringtorg og tvenn hliðfærð T-vegamót. Auk þess eru hluti af verkefninu hliðarvegir, samtals um 9 km. Hjólaleið verður eftir hliðarvegi alla leiðina á milli Hveragerðis og Selfoss. Markmið framkvæmdarinnar er aukið umferðaröryggi með aðskilnaði akstursstefna og fækkun tenginga við Hringveg ásamt því að auka umferðarrýmd vegakerfisins milli Hveragerðis og Selfoss. Jafnframt gerði Mannvit kynningarmyndband fyrir framkvæmdina.