Daneborg olíubirgðastöð á Grænlandi

Danska varnarmálaráðuneytið stóð að endurnýjun á olíubirgðastöð við Dannebrog (Danneborg) herstöðina á austurströnd Grænlands. Þar eru höfuðstöðvar hinnar frægu SIRIUS hundasleðasveitar, er gætir hagsmuna Dana í hánorðri. Það verkefni er í höndum sex sleðasveita, en í hverri þeirra eru tveir hermenn og þrettán sleðahundar.

Við verkefnið var Mannvit undirverktaki hjá Per Aarsleff AS sem er einn stærsti jarðvinnuverktaki Danmerkur en Mannvit sá um hönnun á sviði rafmagns, véla og burðarvirkja. Aðstæður á verkstað eru mjög krefjandi. Aðeins um 1-2 m eru niður á sífrera og aðeins hægt að vinna um tvo mánuði á ári vegna erfiðra veðurskilyrða. Skylda er að starfsmenn hafi með sér riffil til að verja sig ef ísbjörn kemur á vinnusvæðið.