Endurnýjun Hverfisgötu og Frakkastígs

Mannvit kom að endurnýjun Hverfisgötu og Frakkastígs í miðborg Reykjavíkur en göturnar voru endurnýjaðar að öllu leyti. Verkkaupi var Umhverfis- og skipulagssvið Reykjavíkurborgar.

Við endurnýjunina var skipt um jarðveg og allar lagnir, lögð snjóbræðsla í gangstéttir og hjólastíga og yfirborð ýmist malbikað eða hellulagt, tré gróðursett og komið fyrir lýsingu og göngugötum.

Farið var í ýmsar aðgerðir til að bæta aðstæður gangandi og hjólandi vegfarenda um götuna og einnig voru bættar aðstæður fyrir blinda, sjónskerta og hreyfihamlaða. Settar voru sérstakar leiðilínur og varúðarsvæði í gönguleiðir á gatnamótum og við strætóbiðstöðvar. Strætóbiðstöðvum við götuna var fjölgað og flestar strætóbiðstöðvar við götuna voru upphækkaðar til að auðvelda inngöngu allra farþega í vagnana. Rampar liggja uppá strætóbiðstöðvarnar beggja vegna til að auðvelda aðgengi hreyfihamlaðra. Allar göngu- og hjólaleiðir eru upphitaðar ásamt bættri lýsingu, sem eykur öryggi allra vegfarenda.