Gróðurhúsið

Gróðurhúsið í Hveragerði er hótel og áningarstaður á Suðurlandi þar sem boðið er uppá mathöll, verslanir, kaffihús, sælkeraverslun, ísbúð og bar. Gróðurhúsið hótel eða Greenhouse Hotel, er staðsett á besta stað í Hveragerði við aðalgötunni þegar komið er inní bæinn í nálægð við þjóðveg 1. 

Áhersla er á sjálfbærni í uppbyggingunni og er stefnt að vistvænni BREEAM vottun á húsið á vegum Mannvits.

Byggingaraðferðin er nútímaleg þar sem notast er við íslenskar forsteyptar einingar í grunni og jarðhæð en fullbúin hótelherbergi úr umhverfisvottuðum timbureiningum eru á efri hæðum hússins. Á tveimur efri hæðunum er hönnunarhótelið Greenhouse Hotel.

Byggingin er um 2.600 m2 að stærð, 3 hæðir og kjallari undir hluta af húsinu. Á efstu hæðum verður hótel og á fyrstu hæð og í kjallara eru veitingastaðir og verslanir.

Mannvit sá um verkfræðihönnun á sviði burðarvirkja, lagna, loftræstinga, rafkerfa og brunaráðgjöf. Einnig fór Mannvit með hlutverk hönnunarstjóra.

Stefnt er að því að byggingin verði BREEAM vottuð og heldur Mannvit utan um þá vinnu.  

  

Ljósmyndir: Gróðuhúsið.