Hótel Marriott Edition og íbúðir

Mannvit koma að þróun á hótel- og íbúðasvæðið við hlið Hörpu tónlistar- og ráðstefnuhúss þar sem nú stendur Reykjavik Edition ásamt íbúðar- og verslunarhúsnæði. Svæðið er hluti af endursköpun gamla hafnarsvæðisins í hjarta borgarinnar og býður upp á útsýni yfir Esjuna og önnur kennileiti í nágrenninu. 

Marriott EDITION Reykjavik hótel og nærliggjandi íbúðarhúsnæðis- og verslunarlóð stendur við Austurhöfn í Reykjavík. Hótelið er í heild rúmlega 250 herbergi í hótel auk 90 íbúða og verslana í fimm byggingum næst hótelinu. „Hér erum við að feta okkur inn á nýja braut sem verkfræði- og tæknifyrirtæki með því að halda utan um allt verkefnið frá upphafi til enda, þ.e. kaup á lóð, tilboðsgerð, fjármögnun, samningagerð við hótelrekanda, hönnun, útboð, innkaup, byggingastjórnun, eftirlit og afhendingu mannvirkis“, segir Tryggvi Jónsson, framkvæmdastjóra mannvirkja.

Mannvit sá um verkefnastjórnun og heildarumsjón verkefnisins ásamt T.ark teiknistofan arkitektar. Lóðin er 7.458 m² að stærð og er merkt sem reitur númer 5. Leyfilegt byggingarmagn 28.500 m² ofanjarðar og 4.500 m² neðanjarðar. 

Hótel Reykjavík EDITION
Hótelið við Austurhöfn er fimm stjörnu og ætlað sem ráðstefnuhótel fyrir Hörpu, tónlistar- og ráðstefnuhúsið í Reykjavík og fyrsta flokks hótel á vegum EDITION sem er lúxuskeðja á vegum Marriott International. Marriott Ed­iti­on hót­el­in eru svo­kölluð „bout­ique“ hót­el þar sem hvert þeirra er hannað á sinn hátt. Hótelið er á sex hæðum og kjallara og um 16.500 m² að stærð með 250 herbergi, veitingastað og bari, fundarherbergi, veislusal, heilsulind og önnur þægindi sem hæfa 5 stjörnu hóteli. Við hlið hótelsins verður 21 stæðis bílakjallari sem mun tengjast bílakjallara Hörpunnar og nýta innkeyrslu með honum. Banda­ríska fyrirtækið Carpenter & Comp­any á bygg­inga­rétt­inn og mun fjár­magna fram­kvæmd­ina ásamt Eggerti Dag­bjarts­syni. Gerður var langtíma samn­ing­ur við Marriott Ed­iti­on um rekst­ur­inn.

 

Íbúða- og verslunarbygging
Byggingin er staðsett við Austurbakka hafnarsvæðisins í miðbæ Reykjavíkur við hlið hótelsins og er þróunarverkefni á vegum Mannvit, T.ark og Arion banka. Byggingin er 16.500 m² samanstendur af jarðhæð sem liggur meðfram götunum þremur í kringum lóðina, Austurbakki, Geirsgata og Reykjastræti. Megnið af jarðhæðinni er ætlað fyrir verslanir og veitingastaði. Yfir jarðhæðinni eru fimm hæðir af íbúðum í fimm aðskildum kjörnum. Þeir móta húsagarð sem er aðskilinn frá nærliggjandi götum og er ætlaður íbúum.  Bílakjallari og geymslur eru svo staðsettar í kjallara. Íbúðirnar í Austurhöfn eiga sér fáar hliðstæður hér á landi. Hönnun, efnisval, frágangur og aðgengi í hverri einustu íbúð er á hæsta mælikvarða til að skapa upplifun sem ekki hefur áður boðist á Íslandi, mitt í hringiðu borgarlífsins og menningar við gömlu höfnina í Reykjavík.