Holtavirkjun

Holtavirkjun verður staðsett á einu stærsta orkuvinnslusvæði landsins, vatnasviði Þjórsár- og Tungnaár. Mannvit hefur unnið að rannsóknum og undirbúningi virkjana í neðri hluta Þjórsár, Hvammsvirkjun, Holtavirkjun og Urriðafossvirkjun fyrir Landsvirkjun. Í dag er Holtavirkjun í biðflokki rammaáætlunar. 

Virkjað rennsli miðað við núverandi forsendur er um 357 m3/s og uppsett afl um 57 MW í tveimur Kaplan vélum með lóðréttan ás. Orkugetan er allt að 450 GWh á ári. 

Mannvit hefur unnið að undirbúningi virkjunarinnar m.a. rannsóknir, hönnun, útboðsgögn, ÖHU áætlanir og kostnaðaráætlanir í samvinnu við Verkís.

Mannvit vann einnig þrívíddargrafík ásamt gerð kynningarmyndbands í samvinnu við J&L.