Hreinsistöð fyrir Hauggas

Metangas er framleitt úr hauggasi, sem safnað er úr sorphaugum.  Undanfarin ár hefur Mannvit unnið náið með SORPU að því að nýta sorphauga höfuðborgarsvæðisins til framleiðslu á metangasi til notkunar sem ökutækjaeldsneyti. 2011 hóf Mannvit að vinna að stækkun hreinstöðvar SORPU í Álfsnesi, sem miðaði að því að auka afköst og bæta rekstraröryggi stöðvarinnar verulega. Að lokinni stækkun verður mögulegt að keyra samtals 1000 Nm³/h af hauggasi í gegnum stöðina, sem er um 25% aukning auk þess sem rekstraröryggi stöðvarinnar er verulega aukið. 

Mannvit hefur frá upphafi verið ráðgjafi SORPU við hreinsistöðina í Álfsnesi sem framleiðir stóran hluta metangas fyrir bifreiðar á Íslandi. Í kjölfar aukinnar eftirspurnar eftir metangasi á ökutæki var ný hreinsistöð reist árið 2005 og stækkuð 2008 og 2012, allt með ráðgjöf Mannvits við hönnun og innkaup á vélbúnaði. Mannvit hefur jafnframt veitt ráðgjöf tengt safnkerfi fyrir hauggas í Álfsnesi, hönnun og eftirlit með stækkun safnkerfisins.