Hvammsvirkjun jarðgrunnsathugun

Hvammsvirkjun er staðsett á gríðarlega krefjandi svæði með tilliti til jarðfræðilegra aðstæðna, meðal annars vegna mikillar jarðskjálftavirkni og tektónískra sprungna, nútímahraunlags ofan á lausum jarðlögum og fleira. Þetta hefur því kallað á umfangsmiklar jarðgrunnsathuganir um margra ára skeið, bæði fyrir og samhliða hönnun virkjunarinnar, en Mannvit hefur séð um þessar athuganir. 

Hvammsvirkjun verður staðsett á einu stærsta orkuvinnslusvæði landsins, vatnasviði Þjórsár- og Tungnaár. Á svæðinu eru nú þegar sex aflstöðvar sem nýta fall Þjórsár, Tungnaár og Köldukvíslar og verður Hvammsvirkjun sjöunda og neðsta aflstöðin á svæðinu. Með virkjuninni hyggst Landsvirkjun mæta vaxandi orkuþörf í landinu, bæði til almennrar notkunar og iðnaðar. Hvammsvirkjun er hönnuð fyrir allt að 93 MW afl og verður árleg orkugeta allt að 720 GWst.

Helstu lykiltölur:

• Lón – Hagalón 4 km²
• Heildar uppgröftur – 3,3 milljón m³
• Efnisþörf – 1,1 milljón m³

 

Eftirfarandi þættir hafa verið skoðaðir og rannsakaðir í jarðgrunnsathugunum svæðisins:

• Jarðfræðikortlagning
• Tektóník og skjálftavirkni
• Jarðvá (eldvirkni, jarðskjálftar og flóð)
• Vettvangsrannsóknir
  • Prufugryfjur
  • Sprungukortlagning og sprunguleit
  • Borholur – kjarnaborun
  • Borholur – loftborun
  • Borholur – slagborun
  • Lektar- og dælupróf
  • Grunnvatnshæðarmælingar
  • Mælingar á hitastigi og leiðni grunnvatns
  • SPT borun/sýnataka
  • Greining borkjarna og svarfsýna
  • Berggreining og berggæðamat

• Prófanir á rannsóknarstofu
  • Prófanir á bergkjörnum
    • Þríásapróf
    • Einásabrotþol
    • Togstyrkur
    • Punktálagpróf
    • Þéttleiki, rúmþyngd og vatnsgleypni
  • Prófanir á lausum jarðlögum
    • Rúmþyngd, holrýmd og rakainnihald
    • Kornastærðardreifing
    • Þjöppunarpróf
    • Lektarpróf
    • Sigpróf
    • Þríásapróf
    • Dínamískt þríásapróf
  • Fylliefni í steypu
    • Kornastærðardreifing
    • Rakainnihald
    • Lífrænt innihald
    • Vatnsdrægni
    • Rúmþyngd
    • Kornalögun
    • Frostveðrun
    • Klóríð innihald
    • Berggreining
    • Fínefnainnihald (flotvog)
    • Alkalí innihald

Mannvit vann einnig þrívíddargrafík og setti upp vefsíðu fyrir rafræna matsskýrslu Hvammsvirkjunar. Í skýrslunni er að finna allar nánari upplýsingar um endurskoðað mat á ferðaþjónustu og útivist og á áhrifum á landslag og ásýnd lands.