Karmoy álverið í Noregi

Norski álframleiðandinn Hydro vann að undirbúningi á byggingu nýrrar kerlínu í álveri sínu í Karmøy í Noregi með aðstoð Mannvits. Mannvit, í gegnum HRV, tók virkan þátt í þessu verkefninu og bar ábyrgð á hönnun og undirbúningi fyrir nýja skautsmiðju álversins. Samningurinn  fól í sér hönnun á framleiðsluferlinu, hönnun bygginga, hönnun rafmagnsdreifingar, undirbúning útboða fyrir byggingar og allan búnað, rekstur allra samninga, byggingastjórn, öryggisstjórnun á byggingarstað, prófanir á búnaði og gangsetningu skautsmiðju og baðefnavinnslu. 

Samningur HRV er alhliða samningur um hönnun, innkaup og umsjón framkvæmda en eins og gerist með önnur verkefni fyrirtækisins er verkefnisteymið aðallega mannað af starfsmönnum Mannvits og Verkís sem eru eigendur HRV. 

Ljósmyndir © Norsk Hydro