Metangasvinnsla á Akureyri

Mannvit kom að uppsetningu á aðstöðu fyrir vinnslu og afgreiðslu metans úr hauggasi fyrir Norðurorku en starfsemin fer fram á urðunarstaðnum, aflögðum sorphaug í Glerárdal. Gert ráð fyrir að vinnsla geti numið 600.000 Nm³ af metangasi á ári en stöðin hóf framleiðslu árið 2014. Eigandi haugasstöðvarinnar er Norðurorka en Olís rekur metanafgreiðslustöðina.

Verkefnið fól m.a. í sér áætlun á hauggasútstreymi og þar með metanmyndun í sorphaugnum. Hagkvæmnimat fyrir gassöfnun og vinnslu metansins var unnið auk þess sem nýtingarmöguleikar þess í ýmsa starfsemi voru kortlagðir. Gerðar voru tilraunaboranir og afköst tilraunaholanna könnuð til að leggja mat á áreiðanleika spálíkans fyrir vinnsluna. Mannvit kom einnig að vali á tæknilausnum og hönnun á staðnum. Einnig sinnti Mannvit tæknilegri ráðgjöf og hönnun vegna aðkeyptra tæknilausna. Mannvit vann ennfremur útboðsgögn vegna jarðvinnu og lagnavinnu og sinnti ráðgjöf vegna leyfismála starfseminnar.