Ny Bø barnaskóli í Noregi

Mannvit sá um forhönnun og gerð útboðsgagna fyrir Nye Bø barnaskólann í sveitarfélaginu Hå kommune í Suður-Noregi. Hå kommune er rótgróið sveitafélag rétt sunnan við Stavanger á vesturstönd Noregs. Þar er nú að rísa um 8.000 m² skólabygging fyrir 550 nemendur ásamt sérþarfaálmu fyrir 20 nemendur. Skólinn er hugsaður fyrir nemendur  í 1-7 bekk. Mikill metnaður ríkir um bygginguna hjá skólayfirvöldum, verkkaupa og hönnuðum og ber byggingin þess merki. 

Mannvit fékk verkið að loknu ströngu útboðsferli og sá um forhönnun á öllum fagsviðum verkfræðihönnunar, m.a. hönnun á burðarvirki, lögnum, loftræstingu, rafkerfi, hljóðvist, brunakerfi og veitum. Hluti af verkefni Mannvits var útgáfa alútboðsgagna fyrir framkvæmdir verktaka við skólabygginguna og útgáfa útboðsgagna fyrir jarðvinnu og bílastæði. Verkefnið var unnið í samstarfi við arkitektana Ola Roald AS Arkitektur fyrir Hå kommune.